السودان فوق هامات الجميع
نعمات النعيم : تكتب
نبكى ونكتب نتألم ولا يهدأ لنا بال حتى نرى سوداننا واقفآ شامخآ أبيآ ببسالةرجاله وتضحيات شبابه وصبر نسائه .السودان (وطننا بإسمك كتبنا ورطنا )بكل لهجاتنا وانتماءاتنا نتنادى نلبى نداء الوطن. تجمعنا اليوم الفاشر وبارا ومن قبل كانت معارك الخرطوم والجزيرة وسنار وكل مناطق السودان الجريحة.
نتنازل اليوم عن كل إنتماءاتنا السياسية والفكرية الإيدلوجية وكل مكوناتنا القبلية ونلتقي فى قبيلة واحدة إسمها السودان الوطن الكبير والحوش الوسيع بوابة عبد القيوم ،حوش الخليفة ،غابة السنط ،شلال السبلوقة ،نهر النيل وجبل البركل .تجمعنا جبال النوبة ،جبل التاكا ، جبال البحر الأحمر ونهر القاش ، سهول البطانة ،نستظل تحت أشجار النخيل وجناين الباوقة ونشرب من بئر توتيل. نسافر إلى جبل مرة وشلالات نيريتى وقلول.
يجمعنا السودان بكل عظمة انسانه وخيرات أرضه. اليوم لا صوت يعلو فوق صوت نداء الوطن.
نتنادى ونردد قول شاعرنا السودانى الرمز إبراهيم العبادى حينما قال ( جعلى ودنقلاوى وشايقى إيه فايدانى غير خلقت خلاف خلت أخوى عادانى .خلوا نبأنا يسرى مع البعيد والدانى.يكفى النيل أبونا والجنس سودانى) .
دعونا نتوحد من أجل السودان ووحدة ترابه . دعونا نلملم جراحنا ونسمو بوطننا ونرفع رايته عالية خفاقة كسابق عهدها بين الأمم.
نتفق جميعنا ان حرب السودان وكنا نظنها عبثية لكنها حرب ضد الهوية السودانية والتغيير الديموغرافى للتركيبة السودانية ولعل المجازر والإبادة الجماعيةفى كثير من مناطق السودان كانت ومازالت خير دليل . هلا توحدنا وجمعنا شملنا لأجل الأمهات ونساء وحرائر السودان . ( سودانى الجوة وجدانى وبريده ).ويظل السودان وطن فوق هامات الجميع .